1 | |
HStAOrient5a: 52r ve nüfūs‑i qāṣıra teʿaccüb ėder zīrā istiʿdād‑i insānī ibtidāʾ // emr‑i tedrīciyle nuṭfe ve ʿalaqa ve mużġa ve cenīn olmışdur. // Bu tedbīr olmayıcaq qabul‑i tesḫīr müşkil görinür. Ammā bu teʿaccübüñ // defʿi budur ki bir şeyʾ ki ibtidāʾı tedrīc ile ḥudūs̱ı mümkin ola // s̱ānīyen anuñ ḥudūs̱ı defʿaten vāḥideten mümkin olur. Bunda // istiḥāle yoqdur ve egerçi tevālüd emr‑i tedrīcīdür ammā tevellüd // tedrīc‑i maḥsūsla olmaz. Mes̱elā fārenüñ tevellüdi tedrīcle ictimāʿ‑i // ẕeker ü üns̱ā ve ḥaml u sifād ile olur. Ammā tevellüdi emr‑i defʿīdür // defʿaten vāhideten ḥāṣıl olur. Mes̱elā böyle degüldür ki eczāʾ‑i arżīyesi // cemʿ ola ve daḫı baʿżı henūz turāb baʿżısı ḥacm‑i fāreye quvvet‑i // qarībede olub tedrīcle ḥayavān ola. Ve ẕübāb daḫı // mütevelliddür defʿaten vāḥideten ʿufūnāt‑i insānīye daḫı // ḥarr‑i ṣayfīyeden ḥāṣıl olur. Pes meẕkūr olan neşeʾ‑i // insānīye daḫı tevellüdīyedür. Eczāʾ‑i aṣlīyeden mevcūd // olur. Eger tilke l‑eczāʾ teferruqı ile baʿżı ṣuveri münḫaliʿdür. // Ammā ḫudā‑yi vāhibi‑ṣ‑ṣuver ṣuveri mevāddine iʿāde qılub // merreten uḫrā mizāc‑i maḫṣūṣ ḥāṣıl olur. Ve ibtidā‑i ḥudūs̱‑i // mizāc ile ol mevādd içün ḥāṣıl olan nefs‑i müdebbir daḫı // tesḫīr ve taṣarrufa ʿavdet ėder. Beynehümāda olan ʿalāqa‑i Short marginal note (1) in Orient 5a, top of fol. 52r: Şerḥ‑i Mevāqıfda // duhūr‑i tāmme // qabīlinde // görile // Min lehū. Marginal note (2) in Orient 5a, fol. 52r: Ammā teʾs̱īr‑i evvel fī l‑ḥaqīqa // evṣāfda teʾes̱s̱ürdür // ẕātda teʾs̱īr // degüldür // Min lehū. |